قديمه بين حبيب العازمي وعبد الله بن شايق

حبيب

سلامي على ال سعود وضيوف ال سعود = سـلام بمسـك العـود نسمـة هبوبـه
وطنـا وطنـا منبـع العـز والـجـود = ودحر المعـادي كـان شبـت شبوبـه

بن شايق

انـا بالنيابـه قمـت والخيـر ماجـود = عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود = على السلـم سلـم وللمشاكـل عقوبـه

حبيـب

ترى العاقل اللي يعرف النقص والـزود = قبل مايعـرف الـدار يعرفـه دروبـه
بذلنا على وضح النقـاء كـل مجهـود = لكـن انـت لابـدك تلقـي صعـوبـه

بن شايق

ترى العاقل اللي ياخـذ الحـق بشهـود = ونفسك على الطرقه مهيـب مغصوبـه
ليا صـار فالميـدان حـاوي ومـردود = انا اصل العرب واصلي يعرف العروبه

حبيـب

ليا قلتهـا قلـت لـك مانيـب محـدود = ولكـن داب الغـار ينـفـخ ذروبــه
زمان مضى والناس طـارد ومطـرود = كثير العـرب ناخـذ شماغـه وثوبـه

بن شايق

توقـع تـرى فالعـب نـار وبــارود = وراع العيوب اصـد ماكشـف عيوبـه
وانا اقـول ليـلن قربـك جعلـه يعـود = وانـا عـارف قلبـك يحسـب ذنوبـه

حبيـب

رصاص المقمع صفـر مافيـه عبـرود = ولا يشفـي الغازيـن لـو حاربو به
وانا اقول صعبه طقـت العـود بالعـود = ولكـن حاسـب والعلـوم محسـوبـه

بن شايق

كثير العرب لو مـات ماهـوب مفقـود = وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه

حبيـب

ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه
زمان الهوايل يجمـع البيـض والسـود = واشوف الهوايل جات والوقـت دوبـه

بن شايق

ياويلك من اللي صار والبـاب مسـدود = ترى راعي الساحل يعـرف الرطوبـه
انا لي يميـن وديـن ووعـود وعهـود = لاقـوم اتعجبـك واحطـك عجـوبـه

يعطيك العافيه ياغالي

لاهنت يذيب

لاهنت يا محمد

محاوره جميلة

شـكــ وبارك الله فيك ـــرا لك ... لك مني أجمل تحية .

ياسلام يامحمد


بيض الله وجهك



نقل رااائع جدا



ولو انها صوتيه ياسلام



لاهنت يالذيب




تقبل مروري

محــآره روووعه من شعـرآء كبــآر ...
لــآ هنت آخوي
دمت بمحبة آلله ..

لاهنت ع النفل

مطلق , عبد الله الدغيلبي , فهد بن جزيان , احمر العين , بحر الاشواق , صدى الاشواق

اشكركم على المرور الرااااقي

ولاهنتو جميع

مشكووور

والله يعطيك الف عافيه

لا هنت يآقرم

وتقبل مروري الصادق .