ياوجودي وجد من هو مايعرف الراحه =كل لحظه والنشيط من الهموم يلوفه
قد تساوت فالوجود احزانه مع افراحه=وده بكسب الجميل وخالفته ظروفه
من كنوز الطيب كم حاول يزيد أرباحه= والنتيجه ليته يحصل ولو مصــروفه
كل مالد النظر في فزعته وارمــاحه =اغلب الأسماء ليا حان الوعد محذوفه
شاعرٍ يفرك على خشم الحسد مسباحه =يسمع الأصنج من أخصامه صهيل حروفه
والظمأ ما همه الماء والذمم مياحه =و الفقر يجرد على حلق النزيه سيوفه
يالله إني في رجاك من الوهم واشباحه =ويالله إني في ذراك من الزمن واحتوفه
الدهر يرسل على بيض القلوب أجراحه=مـايقدّر وقفة الوافـــي ولا معــــروفه
وكل حرٍ في سما العليا خفق بجنـاحه =مايلّحق سطح الأرض من العلو حسوفه
الضمير أهدى على رمش العمى مفتاحه =والعمى غافل عن المفتاح كيف يشوفه
يافلسطين الحبيبه كيف صــرتي ساحه=للنفاق وللمساوم والحيل مكشوفه
العـــرب في كل ديره مـــاهي بمرتاحه = القهر في قلوبهم ويدينهم مكتوفه
يحترون السندباد يشّرف بمصباحه =واحلمي ياهضبة الجولان مثل الكوفه
وش مصيرالحق الأبلج واللسان سلاحه=السكوت أصبح ملاذه والسلامه خوفه
الأمل حاول يقاوم والألم يجتاحه= لكن أحلام الفقارى كلها منسوفه !
اغلب الاسمااء ,,
العرض العادي
